Home ប្លែកៗ

បាត់ឆ្មាជាច្រើន ដោយមិនដឹងមូលហេតុ… ស្រាប់តែចុងក្រោយ ឃើញពស់កំពុងតែលេប….

ចែករំលែក

ប្រទេសថៃ៖ ក្រុមជួយសង្គ្រោះចាប់ពស់ បានចុះចាប់ពស់ថ្លាន់យក្ស ដែលកំពុងតែលេប សត្វឆ្មាមួយក្បាល នៅក្នុងផ្ទះលេខ១៩ ក្រុមទី១ ទីរួមខេត្តឡាំប៉ាង ប្រទេសថៃ ។ ពេលក្រុមជួយសង្គ្រោះទៅដល់ ឃើញពស់ថ្លាន់យក្សមួយក្បាលខាងលើ កំពុងតែលេបសត្វឆ្មា ពណ៌សមួយក្បាល គួរឲ្យអាណិត ហើយវាបានព្យាយាម ទាញសត្វឆ្មាដែលវាកំពុងតែលេបនោះ ឡើងទៅលើដំបូលផ្ទះទៀតផង ។

ក្រុមអ្នកចាប់ពស់ បានប្រើឧបករណ៍ពស់ ដោយសង្កត់ក្បាលពស់ថ្លាន់យក្សនោះ ដើម្បីសង្គ្រោះសត្វឆ្មា ដែលកំពុងតែនៅក្នុងមាត់របស់ពស់នោះ ។ ក្រុមអ្នកចាប់ពស់បានសង្កត់ក្បាលវា រហូតដល់វាខ្ជាក់សត្វឆ្មានោះ ចេញពីមាត់របស់វាវិញ តែទោះជាយ៉ាងណា ក៏មិនអាចសង្គ្រោះសត្វឆ្មាកំសត់នោះ បានឡើយ ដោយវាបានដាច់ខ្យល់ងាប់ តាំងពីនៅក្នុងមាត់របស់ពស់នោះម្ល៉េះ ។

បន្ទាប់ពីខ្ជាក់សត្វឆ្មាចេញហើយ ពស់ខាងលើបានព្យាយាម វារឡើងលើដំបូលផ្ទះ តែទោះជាវាខំយ៉ាងណា ក៏មិនអាចគេផុតពីក្រុមអ្នកជំនាញ ចាប់ពស់បានឡើយ ។ ក្រុមអ្នកចាប់ពស់ បានប្រើរយៈពេលអស់ជាង១ម៉ោង ទើបរកឃើញកន្លែងលាក់ខ្លួនរបស់វា ហើយពស់នោះ ត្រូវបានគេប្រាប់ថា មានប្រវែង៥ម៉ែត្រ ក្រោយពីចាប់វាបាន ក្រុមអ្នកចាប់ពស់ បានយកវាទៅប្រលែងចោល ក្នុងព្រៃបាត់ទៅ ។

លោកស្រី ធីតា ដែលជាម្ចាស់ផ្ទះ បានរៀបរាប់ថា រូបគាត់បានចិញ្ចឹម សត្វឆ្មា២ក្បាលនៅក្នុងផ្ទះ ហើយកាលពីខែមុន គាត់បានបាត់សត្វឆ្មា១ក្បាល ហើយគាត់គិតថា ប្រហែលជាពស់ខាងលើនេះ លេបវាបាត់ទៅហើយ។ ហើយលើកក្រោយនេះ ក្មួយស្រីរបស់កាត់ បានឮសម្លេងឆ្មាស្រែក ហើយបានចេញមកមើល ស្រាប់តែឃើញពស់កំពុងតែលេប សត្វឆ្មារបស់គាត់ ហើយភ្លាមៗនោះ គាត់ក៏បានទូរស័ព្ទទៅប្រាប់ក្រុមអ្នកជំនាញ ចាប់សត្វពស់មកជួយអន្តរាគមន៍ ហើយគាត់បានប្រាប់ទៀតថា កាលពី២ថ្ងៃមុន អ្នកជិតខាងរបស់គាត់ ក៏បានបាត់ឆ្មា២ក្បាលផងដែរ ៕

ប្រភព៖ សារព័ត៌មាន matichon

============================

*** អត្ថបទដែលគួរឲ្យចាប់អារម្មណ៍ផ្សេងទៀត ***

ញាក់សាច់!!! ដើរទៅផ្ទះសុខៗ ជួបពស់ថ្លាន់យក្ស៧ម៉ែត្រ ដេញវាយប្រហារ… បុរសរងគ្រោះតស៊ូ មិនព្រមឲ្យពស់លេប…

ប្រទេសឥណ្ឌូនេស៊ី៖ កាលពីពេលថ្មីៗនេះ កាសែតដេលីមែល បានចុះផ្សាយហេតុការណ៍ ដ៏រន្ធត់មួយ បានកើតឡើងនៅក្នុងប្រទេស ឥណ្ឌូនេស៊ី ដោយបុរសដែលជាសន្តិសុខម្នាក់ ឈ្មោះ រ៉ូបឺត ណាបាបាន់ អាយុ៣៧ឆ្នាំ ដែលត្រូវបានសត្វពស់យក្ស ដ៏ធំនិងវែងមួយក្បាល ដេញវាយប្រហារ។

បើតាមព័ត៌មាន បានឲ្យដឹងថា ពស់យក្សនោះ បានដេញវាយប្រហារបុរសខាងលើ ខណៈពេលដែលរូបគាត់ កំពុងតែដើរត្រលប់ទៅផ្ទះរបស់គាត់វិញ តែសំណាងខ្លាំងណាស់ ដែលលោករ៉ូបឺត មិនខ្លាចសត្វពស់ ហើយគាត់មានស្មារតីរឹងមាំ តស៊ូជាមួយសត្វពស់យក្សនោះ អស់ពីកម្លាំងកាយរបស់គាត់ ដោយមិនព្រមឲ្យសត្វពស់យក្ស មួយក្បាលនោះលេបរូបគាត់បានឡើយ ។

ហេតុការណ៍នេះ បានកើតឡើង កាលពីថ្ងៃទី៣០ ខែកញ្ញា ២០១៧ ថ្មីៗនេះ ដោយលោករ៉ូបឺត និងមិត្តភក្តិម្នាក់ទៀត បានដើរត្រលប់ទៅផ្ទះវិញ ដែលស្ថិតនៅក្នុងភូមិ អ៊ិក រ៉ាគិរី ហូឡូ ខេត្តរិអាវ ភាគកណ្តាលកោះសុម៉ាត្រា ប្រទេសឥណ្ឌូនេស៊ី។

ខណៈពេលដែលដើរ ដល់កណ្តាលផ្លូវ ពួកគេបានប្រទះឃើញ ពស់ថ្លាន់យក្សមួយក្បាល ដែលមានប្រវែង៧ម៉ែត្រ វានៅលើផ្លូវ ហើយពេលនោះ ពួកគេបានរត់គេចចេញពីសត្វពស់នោះ តែសត្វពស់យក្សនោះ បានវារចូលទៅចឹក និងលេបលោករ៉ូបឺត។ ពេលនោះពស់ថ្លាន់ បានចឹកចំដៃខាងឆ្វេង របស់លោករ៉ូបឺត បន្ទាប់មកចាប់ផ្តើម យកខ្លួនរបស់វា រឹតជើងរបស់គាត់ទៀតផង។

ខណៈពេលដែលពស់ថ្លាន់ រឹតជើងរបស់បុរសខាងលើ មិត្តភក្តិរបស់គាត់ បានចូលទៅជួយ ហើយបានស្រែកហៅអ្នកភូមិ ដែលនៅក្បែរនោះមកជួយ ចាប់ពស់យក្សនេះបាន ហើយលោករ៉ូបឺត ត្រូវបានគេបញ្ជូនទៅសង្គ្រោះ នៅមន្ទីរពេទ្យភ្លាមៗផងដែរ តែគាត់មិនមានគ្រោះថ្នាក់ដល់ជីវិតនោះទេ តែរងរបួសខ្លាំងគួរសម ។

ពស់ថ្លាន់យក្សនោះ ត្រូវបានប្រជាជនវាយសម្លាប់ ហើយអូសយកទៅចងក្នុងភូមិ ដោយប្រជាពលរដ្ឋដែលរស់នៅ ក្នុងភូមិនេះ បាននាំគ្នាថតរូបទុកផងដែរ។ ដោយឡែកប្អូនស្រីបុរសរងគ្រោះ បានថតរូបពស់ខាងលើ បង្ហោះក្នុងគណនីរបស់ខ្លួន ដោយសរសេរថា “មហាសំណាង ដែលមានប្រជាជន និងមិត្តភក្តិគាត់បានឃើញ កុំអីមិនដឹងថា រូបគាត់ទៅជាយ៉ាងណានោះឡើយ” ៕

ប្រភព៖ សារព័ត៌មាន កាពូក
ដោយ rin KBN